ကုလသမဂ္ဂ၏ တတိယမြောက် အထွေထွေအတွင်းရေးမှူးချုပ်ဦးသန့် မှတ်တမ်းအကျဉ်း

ကျွန်ုပ်၏ ကုလသမဂ္ဂအပေါ်ထားရှိသော ခံစားချက်အမြင်များကို နားလည်ရန် ပထမဦးစွာ ကျွန်ုပ်၏ ကိုးကွယ်ရာ ဘာသာရေးနှင့် ယဥ်ကျေးမှုနောက်ခံကို နားလည်မှဖြစ်မည်။ ဗုဒ္ဓဘာသာဝင်တစ်ဦးအနေဖြင့် ကျွန်ုပ်သည် သည်းမခံတတ်ခြင်းမှလွဲ၍ အရာရာကို သည်းခံတတ်ရန်သင်ကြားခဲ့ရသည်။ ကျွန်ုပ်သည် နားလည်သည်းခံတတ်ရန် စိတ်အားထက်သန်သူတစ်ဦးဖြစ်ရုံသာမက ကိုယ်ကျင့်တရားကောင်းမှုကိုလည်း မြတ်နိုးသူတစ်ဦးဖြစ်သည်။ ထို့အပြင် မိမိကိုယ်ကိုနှိမ့်ချခြင်း၊ သဘောထားကြီးခြင်း၊ ကရုဏာပွားခြင်းကို ယုံကြည်အားပေးသူဖြစ်ပြီး မိမိ၏ စိတ်ခံစားမှုကို ထိန်းသိမ်းတတ်ရန် အလွန်ပင်အရေးကြီးသည်ဟု ယုံကြည်ပါသည်။

နိုဝင်ဘာလ ၂၅ ရက်နေ့သည် ကုလသမဂ္ဂ၏ တတိယမြောက် အထွေထွေအတွင်းရေးမှူးချုပ် ဖြစ်သူ ဦးသန့် ကွယ်လွန်သည့် ၄၅ နှစ်ပြည့် နှစ်ပတ်လည် ဖြစ်ပါသည်။ ယခင်က ဦးသန့်နေအိမ်ပြတိုက်တွင်သာ ပြသထားသည့် သူ၏ဘဝနှင့် လုပ်ဆောင်ချက်များ အကြောင်း မှတ်တမ်းရုပ်ရှင်ကို အောက်ပါလင့်ခ်တွင် ကြည့်ရှုနိုင်ပါသည်။

Source : UThant

မုန်တိုင်းသတင်း

တောင်တရုတ်ပင်လယ်မှာ ဖြစ်ပေါ်နေတဲ့ မုန်တိုင်း NAKRI က နိုဝင်ဘာ ၈ရက် နောက်ပိုင်း ဗီယက်နမ် ကမ်းခြေကို ဖြတ်သန်းပြီး ကုန်းတွင်းပိုင်း ဝင်ရောက်နိုင်ပါတယ် ။ ၎င်းအရှိန် အကြွင်းအကျန်တွေကြောင့် မြန်မာနိုင်ငံ တောင်ပိုင်း အရှေ့တောင်ပိုင်းတွေဖြစ်တဲ့ မွန်၊ တနင်္သာရီ၊ ကရင်၊ ပဲခူးတိုင်းတောင်ပိုင်း အရှေ့ခြမ်းဒေသတွေမှာ နိုဝင်ဘာ ၉ရက်၊ ၁၀ရက် မိုးရွာသွန်းမှု ရှိနိုင်ပါတယ်။ လယ်ယာလုပ်ငန်းနဲ့ ကမ်းရိုးတန်းခရီးသွားတွေ သတိထားဖို့ လိုအပ်တယ်လို့ မြန်မာ့မိုးလေဝသစောင့်ကြည့်ရေး ဖေ့စ်ဘုတ်စာမျက်နှာမှာ ဖော်ပြထားပါတယ်။

(၅၂)ကြိမ်မြောက် အဘိဓမ္မာစာတော်ပြန်ပွဲ ဘွဲ့ရ၊ စာအောင်စာရင်းများ ထုတ်ပြန်

ပြီးခဲ့တဲ့ စက်တင်ဘာ ဒုတိယအပတ်ကနေ အောက်တိုဘာ ပထမအပတ်အတွင်း ရန်ကုန်မြို့ အဘိဓမ္မာပြန့်ပွားရေး အသင်းကြီးက ကြီးမှူးကျင်းပခဲ့တဲ့ (၅၂)ကြိမ်မြောက် အဘိဓမ္မာ(၇)ကျမ်း စာတော်ပြန်ပွဲ သံဃာ၊ သီလရှင်၊ လူပုဂ္ဂိုလ် အဆင့် ဘွဲ့ရ၊ အောင်စာရင်းတွေကို မနေ့က ရက်စွဲနဲ့ ထုတ်ပြန်ကြေညာလိုက်ပါတယ်။ စာအောင်ဆုနှင်းပွဲကို လာမယ့် ဒီဇင်ဘာ ၂၅ရက်နေ့ မွန်းလွဲ ၁၂ခွဲမှာ ရွှေတိဂုံဘုရားအရှေ့ဘက်မုခ်ရှိ အဘိဓမ္မရတနာဃရဓမ္မဗိမာန်မှာ ကျင်းပသွားမယ်လို့ ဆိုပါတယ်။ အခမ်းအနားတက်ရောက်မယ့် စာအောင် လူပုဂ္ဂိုလ်တွေအနေနဲ့ နိုဝင်ဘာ ၁၈ရက်ကနေ ဒီဇင်ဘာ ၁၁ရက်အတွင်း စာရင်းပေးသွင်းကြရမှာဖြစ်ပြီး စာရင်းပေးသွင်းထားခြင်းမရှိပါက စာအောင်ဆုတက်ရောက်ယူခွင့်ရမှာမဟုတ်ပါဘူး။ အဲဒါအပြင် အခမ်းအနာ တက်ရောက်မယ့် စာအောင်လူပုဂ္ဂိုလ်တွေအနေနဲ့ စာပြန်ဝင်ကတ်တွေ တပါးတည်းယူဆောင်လာကြဖို့ တိုက်တွန်း ထားပါတယ်။ 

ဘွဲတံဆိပ်တော်ရ ပုဂ္ဂိုလ်များစာရင်း

သံဃာများအဆင့် အာဂုံ၊ ရေးဖြေ အောင်စာရင်း 

သီလရှင်များအဆင့် အာဂုံ၊ ရေးဖြေ အောင်စာရင်း

လူပုဂ္ဂိုလ်များအဆင့် မာတိကာ(အာဂုံ၊ ရေးဖြေ)အောင်စာရင်း

လူပုဂ္ဂိုလ်များအဆင့် ဓာတုကထာ၁+၂(အာဂုံ၊ ရေးဖြေ)အောင်စာရင်း

လူပုဂ္ဂိုလ်များအဆင့် ယမိုက် (၇)ပိုင်း(အာဂုံ၊ ရေးဖြေ)အောင်စာရင်း

လူပုဂ္ဂိုလ်များအဆင့် ကုသလတိက်ပဋ္ဌာန်း(၅)ပိုင်း(အာဂုံ၊ ရေးဖြေ)အောင်စာရင်း

အဓိက မိဘ

ကလေးတစ်ယောက်ဖွံ့ဖြိုးတိုးတက်ဖို့ဆိုတာ ကျောင်းကောင်းကောင်းထားမှ ပြုစုပျိုးထောင်သူ ဆရာ/ဆရာမ ကောင်းမှဆိုတာကို ယေဘုယျအားဖြင့်လက်ခံထားကြပါတယ်။

မှန်ပါတယ် ... မှန်သင့်သလောက်ပေါ့လေ။ အောက်ကဖြစ်စဉ်လေးကို ဖတ်ကြည့်ပါဦး ....။

ကလေးက ထမင်းကို ဝါးမစားတတ်ဘူး။ အာဟာရမှုန့်ဖျော်ကျွေး၊ နို့ထမင်းလိုထမင်းကို အပျော့ချေကျွေးမှစားတယ်။ မြိုပဲချတယ်။ မဝါးတတ်ဘူး။ အစာကို ဝါးစားတယ်ဆိုတာက စကားမပြောတတ်သေးတဲ့ ကလေးတွေအတွက် စကားပြောအင်္ဂါအစိတ်အပိုင်း အော်ဂန်တွေအလုပ်လုပ်ဖို့အတွက် အရမ်းအရေးကြီးပါတယ်။ စကားမပြောနောက်ကျတဲ့ကလေးတွေအတွက် ပါးစပ်ထဲထည့်ပြီး ဝါးရတဲ့ ရော်ဘာကွင်းလေးတွေကိုတောင် ပါးစပ်ထဲထည့်ဝါးလေ့ကျင့်ပြီး အော်ဂန်တွေ အားကောင်းလာအောင် လုပ်ကြရတာပါ။

မိဘက လာတိုင်ပင်တယ်။ မူကြိုကျောင်းအုပ်ကြီးက ဟုတ်ပြီ ဒါဆို အတူတူလက်တွဲလေ့ကျင့်မယ်။ မိဘကို အိမ်ကနေပြီး ထမင်းပျော့ပျော့ ချက်ထည့်ခိုင်းတယ် (ပေါ်ဆန်းဆန်လိုပေါ့) ကျောင်းမှာ ဆရာမက ရှေ့ကနေ ဝါးပြတယ် .. တဖြည်းဖြည်းလေ့ကျင့်တယ်။ ဆန်အပျော့ကနေ ပုံမှန်ထမင်းအထိ တဖြည်းဖြည်းတိုးသွားတယ်။ လိုက်လုပ်ခိုင်းတယ်။ အိုခေတယ်ပေါ့ ... အခြားကလေးတွေနဲ့ တန်းတူစားတတ်လာတယ်။

သို့သော် ... ဒါက ကျောင်းမှာပဲအဆင်ပြေတယ်။ အိမ်ရောက်တော့ ကလေးက ဂျီကျတယ်။ မိဘကို တောင်းဆိုတယ်။ မိဘက အလိုလိုက်ပြီး အပျော့(နို့ထမင်းလို၊ အာဟာရမှုန့်ဖျော်သလို) ဝါးစရာမလိုပဲမြိုချတဲ့ အစားအစာကိုပြန်ကျွေးတယ်။

သွားပြီပေါ့ ကလေးက ကျောင်းမှာအဆင်ပြေပေမဲ့ အိမ်မှာအကျင့်ပြန်ပျက်တယ်။ တကယ်ဆို အိမ်မှာလည်း ကျောင်းကပုံစံမျိုး ကျွေးပေးရမယ်။ အလိုလိုက်ပုံလွဲတယ်။

ကမ္ဘာကြီးဟာ ကျောင်းမှာ လုံးပြီး အိမ်မှာ ပြားတယ် ဆိုတာမျိုးဖြစ်ပြီပေါ့။

ဖုန်းပေးသုံးတာ။ ဂိမ်းဆော့ခိုင်းတာလည်း ထို့အတူပါပဲ။ ကျောင်းမှာ ဂိမ်းမဆော့ရလည်းနေနိုင်ရက်နဲ့ အိမ်ရောက်ရင် လက်ထဲဖုန်းတန်းရောက်တာပဲ။

အနှစ်ချုပ်ပြောရရင် မူကြိုပဲဖြစ်ဖြစ်၊ အတန်းကျောင်းပဲဖြစ်ဖြစ်ထားပြီဆိုရင် အိမ်စည်းကမ်းနဲ့ ကျောင်းစည်းကမ်းကို တပြေးညီထားရမယ် (ညီညွတ်အောင်ညှိနှိုင်းရမယ်) မဟုတ်ရင် ကလေးက အိမ်မှာ‌ပျော်မယ်။ ကျောင်းပျင်းမယ်။ ဖွံ့ဖြိုးမှု နောက်ကျမယ်။

သေချာတာတစ်ခုက ။

မိဘတွေအနေနဲ့ ဆရာ/ဆရာမကောင်း၊ ကျောင်းကောင်းကောင်းရွေးချယ်ခွင့် ရှိပေမဲ့ ....

ဆရာတွေဘက်ကတော့ မိဘကောင်းကောင်းရဲ့ ကလေး ရယ်လို့ ရွေးချယ်ခွင့်မရှိပါဘူး။

ဒီတော့ မိမိရင်သွေး ဗလငါးတန် ဖွံ့ဖြိုးတိုးတက်ဖို့အတွက် မိဘများအနေနဲ့ မူကြိုကျောင်း ဆရာ၊ ဆရာမတွေနဲ့ ပူးပေါင်းဆောင်ရွက်သင့်ပါတယ်။

သုတမင်းညို

၂၀၁၉၊ နို၀င်ဘာလ ၅ရက်